tintin的情話
姓名:tintin
對象:我心愛的狗兒子ravin和狗女兒roxy
-因為你地既毛毛頭，所以美好。
-因為日日都有屎痾，所以美好。
-因為雞肉煲到鞋烚烚你地都覺得係人間美食，所以美好。
-因為任何時候返屋企，你地都熱情如火地歡迎我，所以美好。
-因為離開屋企時，你地會係天台邊緣突個頭目送我，所以美好。
-因為獨居的我只有你們兩個家人，所以美好。
-因為你地學識了sit, hand, jump, down,
起身和錫錫，所以美好。
-因為有時無論用咩口令，你地都惹笑地狂跳，所以美好。
-因為你地耳仔摺埋時像賤兔，所以美好。
-因為你地一動一靜，但兩個都咁可愛，所以美好。
-因為我講咩你地都聽，所以美好。
-因為你地朝早會用濕吻叫我起身，所以美好。
-因為我扮喊時，阿仔會走來錫我，所以美好。
-因為就算訓到四腳朝天，一叫阿女就會彈起，所以美好。
-因為你地做左壞事會整個無辜樣出黎，所以美好。
-因為阿女用牙監生把牆刨爛，成為世紀佳話，所以美好。
-因為停電漏水翻風落雨夜半無人，只要見到你地就心安，所以美好
。
-因為阿仔以為玩緊wii
boxing的人在進行襲擊而狂吠笑到我窒息，所以美好。
-因為我和爸爸分開，你地都一樣乖，冇變反叛青年，所以美好。
-因為你地係我的心肝寶貝，就算玩到一身臭我都錫，所以美好。
-因為我變老變醜變肥變瘦，你地都會認出我是媽媽，所以美好。
-因為阿女出街會開心到賴屎，所以美好。XD
-因為我氣而使用暴力後，你地會不計前嫌同樣愛我，所以美好。
-因為我知道你地會保護媽媽，所以美好。
-因為你地令我每天工作有了意義，所以美好。
-因為你地有天使一樣的睡覺面孔，所以美好。
-因為你地係上天給我最大的禮物，所以美好。
-因為我地的終生承諾一定會實踐，所以美好。
-因為有日你地離開了，我也會一直愛下去，所以美好。
